वाहने आडवुन,शस्त्राचा धाक दाखवून दरोडा व जबरी चोरी करणारी टोळी जेरबंद.

बीड (प्रतिनिधी)बीड दिनांक 04.12.2025 रोजी धुळे सोलापुर महामार्गावर वडगांव ढोक ता. गेवराई या ठिकाणी रस्त्यावर जॅक टाकुन गाडी आडवुन बाहेरराज्यातील प्रवाश्यांना लुटुन त्यांना मारहाण करुन त्याचे कडुन सोने व नगदी रक्कम बळजबरीने चोरुन नेले होते. घटनेचे अनुषंगाने पोलीस ठाणे गेवराई येथे गु.र.नं 714/2025 कलम 309 (6) बी.एन.एस वगैरे प्रमाणे अज्ञात आरोपी विरुध्द गुन्हा नोंद करण्यात आला होता. तसेच पोलीस ठाणे बीड ग्रामीण हद्दीत दिनांक 25/09/2025 रोजी सकाळी 05 वा सुमारास संभाजी महाराज चौक बीड येथे चालकास झोप येत असल्याने वाहन थांबवुन झोपले असता तेथे अज्ञात ईसमांनी वाहनांजवळ येवुन वाहनाची काच फोडुन आतमध्ये बसलेल्या प्रवाश्यांना मारहाण करुन सोने चांदीचे दागीणे बळजबरीने हिसकावुन चोरुन घेवुन गेले होते त्यावरुन पोलीस ठाण बीड ग्रामीण गु.र.नं 316/2025 कलम 309 (6) बी.एन.एस अन्वये अज्ञात आरोपिविरुध्द गुन्हा नोंद करण्यात आला होता. तसेच दिनांक 20.11.2025 रोजी हॉटेल दुबाई समोर गाडी पार्क करुन गाडीमध्ये झोपलेल्या ईसमांची गाडीची काच रॉडचे सहाय्याने फोडुन शस्त्राचा धाक दाखवुन गाडीमधील मौल्यवान वस्तु चोरुन नेल्या होत्या त्यावरुन पोलीस ठाणे बीड ग्रामीण गु.र.नं 402/2025 कलम 309 (4) अन्वये गुन्हा दाखल आहे, तसेच दिनांक 09.11.2025 रोजी गुन्हयातील फिर्यादी हे आपल्या स्वीफट कार मध्ये दिवसभर काम करुन घरी जात असताना रात्रीचे वेळी आयआरबी पार्कीग एरीया धनवडे वस्ती पाली येथे असताना अज्ञात ईसमांनी वाहन आडवुन शस्त्राचा धाक दाखवुन खिश्यातील नगदी रक्कम बळजबरीने काढुन घेवुन निघुन गेले म्हणुन अज्ञात आरोपी विरुध्द पोलीस ठाणे बीड ग्रामीण गु.र. नं 417/2025 कलम 309 (4) अन्वये गुन्हा नोंद करण्यात आला होता.

मा. पोलीस अधीक्षक साहेब यांनी महामार्गावरील जबरी चोरीचे गुन्हे उघडकीस आणण्याकरीता स्थानिक गुन्हे शाखेचे विशेष पथक तयार करण्याचे आदेश दिले होते. त्यावरुन पोलीस उपनिरीक्षक श्रीराम खटावकर व अंमलदार यांचे पथक तयार करण्यात आले होते. सदरील पथक आरोपीचे शोधात होते. दिनांक 11.12.2025 रोजी स्थानिक गुन्हे शाखेचे पथकाला सिसिटिव्ही फुटेज तसेच तांत्रिक विश्लेष्णाव्दारे आरोपीची माहीती गुप्तबातमीदारामार्फत मिळाली की, वरील गुन्हे करणारे आरोपी हे चारचाकी वाहनांमध्ये कळंब जि. धाराशिव येथुन केज च्या दिशेने येत आहेत. अशी माहीती मिळाल्याने स्था.गु. शाा पथकाने तात्काळ रवाना होवनु सदरील ठिकाणी नाकाबंदी लावुन वाहन आडवण्याचा प्रयत्न केला असता त्यांनी पोलीसांना पाहुन वाहन न थांबावता पुढे निघुन गेले, पोलीसांनी काही अंतरावर पाठलाग करुन गुन्हेगारांना त्याचे चारचाकी वाहनातुन ताब्यात घेण्यात आले असुन त्याची नावे 1. राहुल अनिल काळे, वय 19 वर्ष, 2. विकास अनिल काळे, वय 21 वर्ष, 3. अनिल रामा काळे, वय 40 वर्ष, सर्व रा खामकरवाडी ता वाशी जि.धाराशिव असे आहेत. ताब्यात घेण्यात आलेल्या ईसमांकडे गुन्हयाचे अनुषंगाने विचारपुस केली असता त्याचे ईतर साथीदार नामे 1. सुनिल हिरामन शिंदे, 2. सचिन उर्फ आवडया रामा काळे, 3. बबलु शिवा शिंदे सर्व रा खामकरवाडी ता. वाशी जि.धाराशिव यानी मिळुन खालीलप्रमाणे गुन्हे केल्याचे कबुली दिली आहे.

1. पोलीस ठाणे गेवराई गु.र.नं 714/2025 कलम 309(6), 3(5) बी.एन.एस

2. पोलीस ठाणे बीड ग्रामीण गु.र.नं 316/2025 कलम 309 (6), 3(5) बी.एन.एस

3. पोलीस ठाणे बीड ग्रामीण गु.र.नं 402/2025 कलम 309 (6),3(5) बी.एन.एस

4. पोलीस ठाणे बीड ग्रामीण गु.र.नं 417/2025 कलम 309 (6), 3 (5) बी.एन.एस.

ताब्यात घेण्यात आलेल्या आरोपीकडुन काळया रंगाची विना नंबरची एमजी हेक्टर चारचाकी व वाहनाचे डिक्कीमध्ये एक कोयता, लोखंडी रॉड मिळुन आला असुन तो जप्त करण्यात आला आहे. आरोपी 1. राहुल अनिल काळे, वय 19 वर्ष, 2. विकास अनिल काळे, वय 21 वर्ष, 3. अनिल रामा काळे, वय 40 वर्ष, सर्व रा खामकरवाडी ता वाशी जि. धाराशिव यांना दिनांक 12.12.2025 रोजी गुन्हयात अटक करण्यात आले असुन पुढील तपास पोलीस ठाणे गेवराई सपोनि/अण्णासाहेब पवार हे करीत आहेत.

सदरील कामगिरी ही नवनीत काँवत, पोलीस अधीक्षक, बीड, सचिन पांडकर, अपर पोलीस अधीक्षक बीड,शिवाजी बंटेवाड, स्थानिक गुन्हे शाखा, बीड यांचे मार्गदर्शनाखाली पोलीस उपनिरीक्षक श्रीराम खटावकर, पोलीस हवालदार सोमनाथ गायकवाड, मुन्ना वाघ, राहुल शिंदे, बाळु सानप, पोलीस अंमलदार अर्जुन यादव, आशपाक सय्यद, मनोज परजणे, अंकुश वरपे, आनंद मस्के, स्वाती मुंडे, विकी सुरवसे, वाहन चालक नितीन वडमारे सर्व नेमणुक स्थानिक गुन्हे शाखा बीड यांनी मिळून केली आहे.