स्कार्पिओ/कारची समोरासमोर धडक तिघांचा मृत्यू.
अंबाजोगाई लातूर रस्त्यावर झाला अपघात,दोन गंभीर जखमी.
बीड (प्रतिंनीधी):- अंबाजोगाई लातूर राष्ट्रिय महामार्गावर स्कॉर्पिओ आणि कारची समोरासमोर धडक झाली.हा अपघात सोमवारी रात्री दहा वाजण्याच्या सुमारास झाला.या अपघातातात जणांचा जागीच मृत्यु झाला असून दोन गंभी जखमी झाले.
मिळालेल्या माहितिनुसार, हा अपघात बीड-लातुर सीमेवर झाला. वेगात असलेले स्कॉर्पिओ आणि कारची जोरदार धडक झाली यात वाहनांचे मोठ्या प्रमाणात नुकसान झाले. रात्रीची वेळ असल्याने जखमींना उपचारासाठी वेळ मिळाला नसल्याने या अपघातात तिघांचा मृत्यू झाल्याची दुर्दैवी घटना घडली. अपघाताची माहिती मिळताच स्थानिक पेट्रोलिंग करत असलेल्या पोलिसांनी तात्काळ मदत करत गंभीर जखमिंना तात्काळ लातूर रुग्णालयात उपचारासाठी दाखल करण्यात आले.
जखमींवर रुग्णालयात उपचार सुरु :
घटनास्थळी स्थानिकांनी धाव घेऊन कारमधील अडकलेल्या लोकांना बाहेर काढलं. घटनेची माहिती मिळताच पोलिसांनी घटनास्थळी धाव घेतली. स्कॉर्पिओ आणि अपघातग्रस्त कार महामार्गावरून बाजूला करण्यात आली. अपघातातील जखमींना तातडीने लातूर येथील रुग्णालयात उपचारासाठी दाखल करण्यात आलं आहे. या अपघातात मयत कोणत्या गावचे आहेत अद्याप माहिती मिळू शकली नाही. या अपघातामुळे काही काळ वाहतूक कोंडी झाली होती. जखमींना लातूरच्या जिल्हा रुग्णालयात दाखल करण्यात आलं असून उपचार सुरू आहे.
